مجبور اگلك هله

موضوع: مجبور اگلك هله ديسمبر 11th 2011, 12:28 am

مجبور اگلك هله
ومجبور اگلك روح
مرات اشوفك ملح
وانه اعله طولي اجروح
ومرات اشوفك ورد
والعطر بيك ايفوح
ومرات اشوفك حزن
وانه ارد ابطل النوح
ماريد اشوفك تجي
بس ما اريد تروح
لان فرگاك ياخلي يسلني
وعليك المادرة بحالي يسلني
چف الجدة من عندي يسلني
وينخاني واعينه ايگص ادية
وحبيتك انته نعم
وردتك تضل وياي
بس من كتلني العطش
ماصرت گطرت ماي
ماردت اروحن وجي
وضليت رايح جاي
هوايه ازعله ردت
وماردت ازعله هواي
بدل مانبعد شوية ندانة
حته الناس ماتسمع ندانة
بعز تموزصايرلك ندانة
عجيبة وتشح گطراتك علية
ومرات اشتاگ الك
ومرات ما اشتاگ
صح انه اريد ابتعد
بس ما اريد افراگ
شمابوگ لجلك فرح
من عندي هم ينباگ
عشگتك والعشگ وياك لابد
وشلتك ماي خفت عليك لابد
اثاري الفگر يم الباب لابد
دفعني اوگع الماي امن ادية
وبعيوني الك مودمع
عيون وتهل اعيون
وبجروحي الك مو ألم
ضيم وحزن مدفون
وبالراس ماضل عقل
بس انه مومجنون
بالروحةاتيهك عمد
بس من ارد الگاك
مشكلتي احبك صدگ
ومشكلتي اريد انساك
من ادعي يگضي العمر
معناهه يگضي وياك
وماترد أدري الي
وما ادري ليش اتناك
ويهواي هوة الخذك
من عندي ليش انطاك
وكل عمري اعيشه بقهر
بس من تموت انساك
مادامك انته عدل
ماعندي انه اجناح
صح عندي باب وقفل
بس عندك المفتاح
السفه يطيرة الهوة
لاتتعب المرواح
التمساح يبچي چذب
وماشبهك بتمساح
التوبه من عشرتك
اظل اعله صدري وشاح
ومن عشرتك ماتبت
للضيم هم رديت
وصفطت كل المضه
وبحيرتي اتوجيت
وغنيتلك ياحمد
ولو ادري ماغنيت
لاوكتي رحمني لازماني
الحزن من زغر سني لازماني
مثل مانزل دمعي لازماني
انزل ادموعكم قربان الية

موضوع: رد: مجبور اگلك هله ديسمبر 22nd 2011, 10:07 pm

جميل جدأ شكرا سيد جوكر

تحياتي سوسو المجنونة